مسلسل سنوات الضياع اللي هالك الناس

من طرف البرينسيسة الثلاثاء يونيو 10, 2008 6:18 pm

المسلسل التركي سنوات الضياع
هدا المسلسل لاقى اقبال كبير من قبل الناس اكتر من اللازم يعني لدرجة ان ماتلقاش اثنين مع بعضهم الا ويحكو على احدات هدا المسلسل ومافيش حد مايحضرش فيه رجال ونساء واطفال وبنات واولاد يعني كل العرب ....اي نعم ان المسلسل حلو هلبة واني نحضر فيه حلقة بحلقة بس معقولة لدرجة الناس مدايرينه نغمة في موبايلهم ويؤلفو علي موسيقته في الاغاني وعايشين الدور يعني في ناس مسيبين خدمتهم علي خاطر المسلسل والله مرة متفقين مع عامل بيجينا بيخدملنا في الحوش بابا كلمه يبي يجيبه قاله بعد الساعة تلاته عندي مسلسل نحضر فيه وطبعا لما تجي الساعة تلاته ماتلقاش ولا مخلوق فضائي في الشارع
مرة مقعمزة في المحاضرة مقعمزين وراي تلاته ولاد والله في ساعة ونص احكو على احدات المسلسل كله المشكله ان التلاته حاضرين نفس الاحدات ويفسرو فيها طول المحاضرة وفايتين الدكتور برابعة ومايندروش عليها من وين زارقة وطبعا من غير المسجات اللى مالفينها عليه
معقولة احني مسلسل اياتر فينا هكي هدا ايدل على ان احنى العرب مجوفين وفاضيين هلبة وخاصة احني الليبيين ماافضانا عندنا فراغ هلبة وتافهين لابعد الحدود بصراحة مفروض انكونو ارقى من هكي بجديات مش معقولة هكي
ولا شن رايكم انتو

من طرف ملاك الروح الثلاثاء يونيو 10, 2008 10:23 pm

والله معاك حق على نغمات حتة اني عجبني لحن لكن مانتبعش فيه ديما لانه حتة لو فاتتني 5 حلقات ونرجع نتفرج على السادسة نفهم اللي فاتني بعدين طول هلبة وبدي شوية ممل بس هو حلو لكن حني هني مافيش حد مهلوس بيه هلبة زي في دول العربية Wink

وهدا زي ماقلتي حني العرب فاضيين

من طرف **al goshti** الأربعاء يونيو 11, 2008 6:04 pm

السلام عليكم
والله الحق الحق العيلة كلهم يتبعو فيه وصحابي كلهم
لاكن اني والله منتبع فيه بكل ومافيش يوم تفرجت عليه ولاحلقة
ومنوووورة على الموضووووع

مسلسل سنوات الضياع اللي هالك الناس

مسلسل سنوات الضياع اللي هالك الناس

رد: مسلسل سنوات الضياع اللي هالك الناس

رد: مسلسل سنوات الضياع اللي هالك الناس