[b]شبابنا والمعكسات ماهو السبب اكيد....[/b]

انا بصراحة حابه نطرح موضوع مهم جدا وهو معكسات الشباب، علمى بأن الشباب ما ينشبوش فى البنت الا محترمة نفسه، بالمعني الاصح ان البنت هيا سبب هدا المعكسات، الافضل انه لم شاب تخطم بنت يعنى تبى الكلام الا يوهم فيه ويرفع من معنويات "انتى يا حلوه والا الخ..." مفروض لو نحن متحضرين بدل ما تقوللها كلام ايخليها تفرح وديمة تجهز روحا بيش تمشى فى الشارع وهيه فرحانة المفروض الشاب ايقوللها كلام ايخليها اتحشم وتشوف روحها انه الا ادير فية هدا غلط.
والا كل شاب والله الا وقفة فى الشارع لا تزيد من علمك ولا شئ فى عندك هلبا حاجات اديرها متلا فكر فى مستقبلك وبعدها لم تبوا تخطبوا توا اتحس قمة التوقيفة فى الشارع كيف مفيدة ان شاء الله ، الوقت من ذهب والله مش حتحس بقيمة الا بعد الندم والتحصر على ما ضيعته من وقت، انا سبب طرحى للموضوع انه المعكسات تسبب فى مشاكل هلبا يعنى متلا لم خالك ولا عمك ايقولك متطلعيش من الحوش وعليش هدا كلة العفو طبعا بسبب المعكسات وتصير مشكلة اكيد عمك ولا خالك خايف عليك من كلام الشباب وعارف شنو حيصير بس حتى نحن من حقنا انا نمشوا فى الشارع ونحن متريحين ومحترمين نفسنا ومن غير اى مشاكل.
وان شاء الله بس كلامى ايكون مفهم ونحاولوا ديمة نطلبوا العلم وتستفيدوا من الوقت بدل من الضياع ونكونوا يد وحده مع بعض وانخافوا على بعض يا رب


[img][/img]

شنعة ليبيا والله عندك الحق وشكرا لانك ديرتي الموضوع الكويس هدا وانشاء الله يستفيدو منه بس لا ننسا ان صوابع يديك مش زي بعضها يعني في ناس مش كويسة متتحشمش وفي ناس تخطمي من بحداهم كأنك مبحداك حد تقبلي مروري حياة

والله موضوعك واقعي وصحيح وزي ماقالت حياة الروح صوابع ايديك مش زي بعضهم فيناس محترمين وسامحيني نقولك هيا مش مسالة البنت شن تلبس لان مرات نلبسيو عباية ومستور كله يقعدو يعاكسوا.
تقبلي مروري
سكرا

اختى حياة الروح وملاك الروح على الردود وانا بصراحة اتقبل وجهة نظرك اكيد صوابع ايديك مش زى بعض لكن انا طرحه الموضوع بصفة ان المعكسات تحدت من الطرفين الشباب والبنات .... صح ولالا يا امه الشاب محترم نفسه يا امه العكس صحيح... وان شاء الله يا رب بس نطوروا وانعوده بالفائدة على المجتمع ونخدموا بلدنا بدل من الحاجات هدى يا رب
مشكورات على المرور

وين باقى الاعضاء شركونا ولا الموضوع مش مهم والله مهممممممممم

والله الا كلامك صح وبارك الله فيك علي المجهود

اهوانى ولد زى باقى الاولاد وجهة نظرى لو البنت محترمة نفسه ما يغلط فيها حدو تقبلى مرورى